Поврзаност на алергии и атопичен дерматитис со цревнатa микробиота кај децата

Тена Нисетео, дипл. инж. прех. тех.
Кај децата, имунолошки посредуваните алергии на храна се многу почести отколку кај возрасните. Најчесто се јавуваат кај овие осум групи на алергени.
дерматитис, алергија

Во последните неколку децении во развиените земји е присутен постојан раст на зачестеност на преосетливост на храна. Преосетливост на храна вклучува широка палета на несакани реакции на една или повеќе состојки на храна, како што се протеини, шеќери, маснотии, но исто така и додатоци кои се користат во прехранбената индустрија (бои, конзерванси и сл.). Поради оваа причина, преосетливост може да се развие на било кој вид на храна или група на состојки. Несакана реакција на организмот на храна може да биде имунолошки посредувана или пак да не стимулира специфичен имунолошки одговор. Кај децата, имунолошки посредуваните алергии на храна се многу почести во споредба со преосетливост од неимунолошко потекло, која е распространета кај возрасните.

Иако алергиите на храна може да се појават на повеќе од 170 различни намирници, осумте најчести нутритивни алергени се: кравјо млеко и млечни производи, јајца, глутен, соја, риба, морски плодови, ореви и кикирики.

Најдобар начин за лекување на алергии на храна се диетите со елиминација, но овие диети освен што влијаат на квалитетот на секојдневниот живот, тие можат значително да влијаат на квалитетот и адекватната исхраната во детството. Елиминацијата на одредена храна или, пошироко, група на намирници, може значително да влијае на достапноста на одредени хранливи материи важни за растот и развојот на децата; на пример, алергија на протеини од кравјо млеко вклучува елиминација на млеко, сите млечни производи и производи што содржат млеко, како и на сите млека од животинско потекло во исхраната на детето. Поради тоа, соодветниот внес на калциум е недоволен и начинот на исхрана треба да се прилагоди и на детето да му се даде соодветна замена и / или додатоци во исхраната.

Меѓутоа, покрај хранливите материи, пред се протеините, омега-3 масните киселини, витамини и минерали, елиминацијата на протеините од кравјото млеко подразбира и елиминација на ферментирани млечни производи, а со тоа и единствениот природен начин за внес на пробиотски култури во човековиот организам. Иако не станува збор за дефицит во исхраната, секако станува збор за недостаток, но во овој случај на пробиотици и затоа е логично покрај додатоците во исхрана, повремено да се додаваат и пробиотици. Бидејќи најчестиот пробиотик е присутен во ферментираните млечни производи Lactobacillus rhamnosus ГГ, логично е да се направи додавање пред се со овој пробиотик, сепак, не се исклучени ниту препаратите со мешани култури на Лактобацилус и Бифидобактериум.

Алергија на храна во детската возраст често се јавува во комбинација со атопичен дерматитис.

Покраj алергијата на храна, неретко и атопичниот дерматитис се влошува кај децата, па затоа диетата со елиминација е многу честа терапија. Научните истражувања сè повеќе укажуваат на превентивната улога на пробиотиците кога станува збор за атопичен дерматитис и алергии, а исто така се повеќе се зборува и за нивниот терапевтски ефект. Една од најновите студии спроведена во Полска покажала дека сериозноста на атопичен дерматитис кај деца на кои им е додадена пробиотска култура Lactobacillus rhamnosus ГГ се намалила, а резултатите биле уште подобри кај деца кои имале атопичен дерматитис во комбинација со алергија на кравјо млеко.

Кога станува збор за алергии на храна и нетолеранција на состојки во храната како што се нетолеранција на лактоза, нетолеранција на глутен и други, интегритетот на цревата е исклучително важен. Имено, нарушената цревна микробиота, односно дисбиоза, има негативен ефект врз здравјето на цревната лигавица, која станува почувствителна и порозна, што доведува до појава на алергии и нетолеранција на храна. Затоа, третманот на цревната микробиота влијае на здравјето на цревната лигавица и со тоа и на здравјето на целиот организам. Употребата на пробиотски препарати е најдобриот терапевтски пристап кон третманот на дисбиозата, а во овој период најистражуваниот и најчесто користениот е Lactobacillus rhamnosus Г.Г.

За доволен внес на витамин Д одберете го најдоброто

back to top