Како да се регулира варењето на храната и зошто е потребно да се користат пробиотици?

Себастјан Розман, м-р. фарм.
Гастроинтестиналните тегоби се многу непријатни и често влијаат на нашата физичка состојба и расположение, а не ретко и на нашата самодоверба.

Кога ќе слушнеме варење на храната, веднаш помислуваме на бројните гастроинтестинални тегоби со кои секој од нас сигурно се сретнал во животот. Гастроинтестиналните тегоби се многу непријатни и често влијаат на нашата физичка состојба и расположение, а не ретко и на нашата самодоверба.

Кога процесот на варење на храната се одвива без проблеми, тогаш и нашиот организам е во одлична состојба. Поради тоа Ве покануваме да ги прочитате следните неколку страници каде ќе најдете корисни совети за здраво и регулирано варење.

Како да се регулира варењето на храната и зошто е потребно да се користат пробиотици? ПРВ ДЕЛ

Дали знаете? За оптимално темпо на џвакање и голтање на залакот се препорачува после секој залак приборот за јадење да се спушти и повеќе да не се подигнува додека залакот добро не го изџвакаме

2. Вода и физичка активност како клучни фактори за добро варење на храната

Доволна количина на вода е особено важна за регулирано варење на храната без разлика дали се пие за време на оброкот или помеѓу оброците. Водата:

· заедно со желудочната киселина учествува во разградување на одредена храна

· го стимулира протокот на храна и нејзините продукти на разградба во целиот гастроинтестинален тракт

· учествува во омекнување на столицата и со тоа спречува појава на запек

Треба да се напомене дека за постигнување на сите погоре споменати позитивни ефекти, наместо обична може да се пие минерална вода и разни чаеви или да се јаде овошје и зеленчук кои содржат висок процент на вода (како на пр. диња, ананас, пиперка, брокула).

Друг важен фактор за стимулирање на перисталтиката (синхронизирана работа на целиот гастроинтестинален систем) е физичката активност. При комбинирање на физичка активност со процесот на варење на храната мораме да бидеме внимателни на нивниот временски распоред, бидејќи интензивната физичка активност го забавува варењето на храната поради тоа што телото ја препознава потребата за енергија на други органи (мускулите) и така ја пренасочува крвта од гастроинтестиналниот систем во мускулите на скелетот.

Од тие причини се советува вежбањето (особено интензивното) да не се спроведува веднаш по внесувањето на поголема количина храна бидејќи може да предизвика гастроинтестинални тегоби како киселини или дијареа.

Генерално гледано редовната физичка активност и добрата општа физичка состојба се поврзани со подобро варење на храната и помала појава на гастроинтестинални тегоби како запек, камен во жолчката или карцином на дебело црево и ректум .

Генерално гледано редовната физичка активност и добрата општа физичка состојба се поврзани со подобро варење на храната и помала појава на гастроинтестинални тегоби како запек, камен во жолчката или карцином на дебело црево и ректум.

​​​​​​3. Растителните влакна се многу важни за регулирано варење на храната

Растителни влакна претставуваат сложени јагленихидрати кои се отпорни на варење во тенкото црево, а се разградуваат под дејство на бактериска ферментација во дебелото црево. Од тука можеме да заклучиме дека растителните влакна се многу важни за зачувување на здрава цревна микрофлора и варење на храната воопшто.

Важно е да внесуваме растворливи и нерастворливи растителни влакна бидејќи при регулирање на варењето и зачувување на здрава цревна микрофлора двата вида на растителни влакна меѓусебно се надополнуваат.

Растворливите влакна (трици или лушпи од житни култури, јаткасти плодови, семиња и мешунки) се раствораат во вода и се претвораат во густа материја слична на гел која во тенкото црево:

  • спречува преголема апсорпција на масти
  • спречува преголема апсорпција на холестерол
  • ја забавува брзината на апсорпција на јагленихидрати и со тоа го стабилизира нивото на шеќер во крвта

Не изненадува фактот што испитувањата покажуваат дека редовното внесување на растворливи растителни влакна го намалува ризикот од кардиоваскуларни болести и компликации.

Нерастворливите влакна (пченични трици, зеленчук и зрнести плодови) имаат поинаков механизам на дејство:

  • го забрзуваат протокот на храна низ гастроинтестиналниот тракт
  • врзуваат течности за себе и други отпадни продукти од варењето на храната и на тој начин помагаат во формирање на столицата и нејзино полесно исфрлање
  • спречуваат бавно движење на столицата и појава на цревни блокади или запек
  • го намалуваат ризикот од појава на хемороиди како и карцином на дебело црево и ректум

Двата вида на растителни влакна придонесуваат за долготрајно чувство на ситост после оброкот.

Денес нашите оброци во просек содржат многу малку растителни влакна, а тоа е околу 15 грама на ден. Таквата количина е многу помала од актуелните насоки кои како оптимална количина на растителни влакна препорачуваат:

  • 28 грама за жени
  • 36 грама за мажи

За полесна ориентација при планирање на дневниот внес на растителни влакна погледнете ја табелата во која се внесени најчестите намирници кои се богати со растителни влакна

Големината на порцијата за секоја намирница поединечно е 100 грама.

Храна

Вкупна вредност на растителни влакна (во грама)

Семе од чија

34,4

Бадеми

13,3

Црно чоколадо

10,9

Овес

10,1

Леќа

7,3

Грав

6,8

Авокадо

6,7

Малини

6,5

Артичока

5,4

Круша

3,1

Морков

2,8

Банана

2,6

Брокула

2,6

Јаболко

2,4

back to top