ЧУВСТВУВАТЕ ЛИ ГОРУШИЦА? ИЗБЕГНУВАЈТЕ ГИ ОВИЕ НАМИРНИЦИ

Во оваа статија ќе ве запознаеме со намирниците кои најчесто предизвикуваат проблеми поврзани со рефлукс, односно со совети кои ќе ги ублажат Вашите тегоби.

Девет најчести намирници кои предизвикуваат киселина

1. Масна храна

Храна со голема количина на масти, особено пица и пржена храна, може да предизвика горушица. Масната храна го забавува варењето и подолго останува во желудникот. Тоа предизвикува зголемено лачење на киселина и надразнување на органите за варење.

2. Нане

Нане или мента често се препорачува за ублажување на проблемите со варење, но студиите покажале дека може да предизвика и киселина. Испитувањата сугерираат дека нането ја намалува функцијата на мускулот затворач кој го одвојува хранопроводот и со тоа предизвикува горушица односно печење во пределот на градите.

3. Цитрусни сокови

Луѓето често имаат киселина по консумирање на сок од портокал или цитрон. Зошто цитрусните сокови предизвикуваат киселина не е познато, но сепак подобро е да ги избегнувате доколку по нивна консумација почувствувате печење или болки.

4. Чоколадо

Чоколадото е уште еден чест причинител на киселина. Состојките во чоколадото, како што се какаото и кофеинот може да го олабават долниот сфинктер на хранопроводот, кој го ограничува влезот во желудникот и да ја зголеми изложеноста на слузницата на хранопроводот на киселина, со што се зголемува чувството на печење.

5. Зачинета храна

Познато е дека зачинета храна предизвикува киселина и го надразнува воспалениот хранопровод, со што се влошуваат симптомите на рефлукс.

6. Лук

Лук, особено сиров, чест е поттикнувач на киселина. Како и останатата храна на оваа листа, лукот исто така предизвикува симптоми на печење во градите кај многу луѓе со рефлукс.

7. Алкохол

Умерена до претерана консумација на алкохолни напитоци може да ги влоши симптомите на рефлукс, вклучувајќи и горушица односно печење во пределот на градите. Алкохолот го опушта мускулот затворач помеѓу хранопроводот и желудникот, со што дозволува желудочната киселина да влезе во хранопроводот и предизвикува горушица. Некои испитувања исто така укажуваат дека консумација на алкохол е еден од главните фактори на ризик за појава на рефлукс. Се смета дека луѓето кои консумираат алкохол повеќе од пет пати неделно имаат двапати поголема веројатност да им се појави рефлукс, за разлика од луѓето кои не консумираат или ретко консумираат алкохол.

8. Кафе и кофеински напитоци

Некои луѓе можат да почувствуваат киселина кога ќе се напијат кафе и останати напитоци со кофеин. Се покажало дека кофеинот во кафето го опушта долниот сфинктер на хранопроводот, кој го ограничува влезот во желудникот, што може да го зголеми ризикот од рефлукс на киселина и горушица. Кафето исто така поттикнува излачување на желудочна киселина, што може да ги влоши симптомите.

9. Слатки и газирани напитоци

Кај многумина чувство на печење во пределот на градите односно горушица се јавува по консумација на слатки или газирани напитоци. Испитувањата покажале дека овие напитоци можат да го опуштат долниот сфинктер на хранопроводот и да ја зголемат киселоста на желудочната киселина – два ризик фактори за горушица. Консумација на слатки и газирани напитоци често е главен фактор за појава на ноќна горушица.

Совети за ублажување на тегобите предизвикани од киселина

Првиот чекор при ублажување на проблемите со рефлукс на киселина е исфрлање на намирниците од исхраната поради кои се појавува киселина или се влошува состојбата. Но постојат многу други начини да ја смирите горушицата односно чувството на печење во пределот на градите:

• Одржување на здрава телесна маса. Зголемена тежина е поврзана со рефлукс. Губење на тежина и одржување на здрава телесна маса, може да ги намали симптомите на рефлукс како што е печењето во градите.
• Обидете се да јадете што помалку јаглехидрати. Некои испитувања покажале на тоа дека исхраната со мал внес на јаглехидрати може да помогне во намалување на симптомите на рефлукс.
• Избегнувајте лежење по оброк. Здравствените работници препорачуваат луѓето со рефлукс да јадат најмалку три часа пред спиење. Лежење набрзо по оброк може да ги влоши симптомите на рефлукс.
• Обидете се да јадете медитеранска храна. Медитеранската исхрана е богата со влакна како што се грав и зеленчук, односно здрави масти како што се маслиновото масло и риба кои можат да помогнат во отстранување на симптомите на рефлукс.
• Зголемете ја физичката активност. Испитувањата покажале дека само 30 минути физичка активност дневно помага во намалување на можноста за појава на рефлукс.
• Подигнете го делот од креветот каде ја поставувате главата. Подигнување на горниот дел од телото во креветот може да помогне во намалување на симптомите на рефлукс и го подобруваат режимот на спиење

За решавање на печењето и болното чувство при киселина, земајте го ефикасниот медицински производ WAYA StopReflux, кој почнува да делува за само три минути. Внимателно одбраните состојки во производот WAYA StopReflux претставуваат единствен состав кој овозможува 3 во 1 дејство:

• сопира рефлукс на киселина
• ја штити слузницата
• ублажува горушица

WAYA StopReflux претставува медицинско средство во кесички со орална суспензија која е спремна за употреба веднаш.